X Aniversario de Médicos do Mundo.

O venres día 9 de outubro celebramos na Sala Mondo o noso X aniversario. Médicos do Mundo leva unha década en Vigo e que mellor maneira de festexalo que cun gran concerto triple! Dende aquí queremos dar o noso agradecemento á sala Mondo pola cesión gratuíta da sala e por facilitarnos moitísimo as cousas; ós tres grupos (Replyca, Distrito Criminal e 2sisters) por tocar para nós de balde, deixarse a pel no escenario e facernos pasar unha noite incrible. E por suposto, grazas a todos/as os/as que pasastes por alí a compartir unha data tan especial para nós.

Misioneras do silencio ofrecen albergue ó Concello de Vigo

Foto: El Mundo

As Misioneras do Silencio ofrecen as súas 50 prazas de albergue ó Concello de Vigo no seu centro de Marqués de Valterra como solución inmediata á falta de camas de titularidade pública.
O grupo de Movilización de Vigo considera que é positivo que o albegue pase a xesión pública, se ben queremos engadir:

   - será necesario que parte das prazas sexan para mulleres
   - é preciso que se coordinen este albergue e o de Teis para cubrir
      a pernocta de todo o mes e que non queden días soltos sen cama
      para ninguén

   - deberá contar con prazas reservadas para emerxencias (altas 
      hospitalarias, etc) 

   - a inmediata apertura deste recurso prometido antes das
      pasadas eleccións municipais tendo en conta que se achega o
      inverno. 

E por último lembrar que esta é unha solución temporal, que o que as persoas sen fogar precisan é un Centro de Inclusión Social, que non só cubra a durmida, senón que abranga toda a complexidade da vida (intervención sociosanitaria, programas de inserción social, apoio profesional, calor e café, consignas, residencia de media e longa estancia, etc).
   
CENTRO de INCLUSION SOCIAL XA!!!!"

  +info: Faro de Vigo / La Voz de Galicia / El Mundo